Սուրբ Հովհաննես եկեղեցի, Հայ առաքելական եկեղեցու տաճար Հայաստանի Հանրապետության Տավուշի մարզի Կողբ գյուղում։
Եկեղեցին կառուցվել է 2011-2014, իսկ օծվել է 2014 թվականի հունիսի 1-ին։ Արարողությանը մասնակցում էր նաև ՀՀ նախագահ Սերժ Սարգսյանը։ Եկեղեցին ծառայում է Նոյեմբերյանի տարածաշրջանի 3 համայնքների՝ Կողբին, Բերդավանին և Նոյեմբերյանին։ Տաճարի ճարտարապետն է Տավուշի մարզի գլխավոր ճարտարապետ Միսակ Մելքումյանը։ Եկեղեցուն կից կառուցվել է հովվատուն[1]։
Սրբանկարների մի մասի հեղինակն է Մայր Աթոռի նկարիչ Անդրանիկ Անտոնյանը, ինչպես նաև եկեղեցում տեղ են գտել Տավուշի մանրանկարչության դպրոցի սաների աշխատանքներից։
Ձևավորվել է եկեղեցուն կից տիկնանց խորհուրդ և երիտասարդաց միություն։