Մատուռի կառուցման շրջանը, ըստ որոշ աղբյուրների նշվում է միջնադարը, սակայն ըստ մատուռի հարավային պատի հայերեն և ռուսերեն արձանագրությունների՝ այն կառուցվել է 1841 թվականին: Հետաքրքիր ավանդազրույցներ են հյուսված մատուռի կառուցման և նրա անվան պատմության շուրջ, հատկանշական է սակայն հենց մատուռի անվան ստուգաբանությունը. Կամակատար` այսինքն կամք կատարող: Նշվում է, որ 1918-1920-ական թվականներին այս մատուռն ու շրջապատը օգտագործվել է նաև որպես ապաստարան ու բնակատեղի հայ գաղթականների համար:
