fbpx

Այգեհատ

Այգեհատ

ԱնվանումԱյգեհատ
ՎայրՀՀ Լառու մարզ
Ամսաթիվ16․04․19

Այգեհատ, գյուղ Հայաստանի Լոռու մարզում, Ալավերդու տարածաշրջանում, Ալավերդի քաղաքից 9 կմ հարավ-արևմուտք, իսկ մարզկենտրոնից 43 կմ հյուսիս-արևելք։ Գյուղը տեղադրված է Դեբեդ գետի ձախ ափին, բարձրադիր սարավանդում՝ ծովի մակարդակից 1150 մ բարձրության վրա։

Գյուղը նախկինում ունեցել է Իգահատ, Իգոկաթ, Իկհատ, Դանուշավան անվանումները և մտել է Թիֆլիսի նահանգի Բորչալուի գավառի մեջ։ Գյուղն Այգեհատ է վերանվանվել 1991 թ.-ի ապրիլի 3-ին։ Գյուղն իր նախկին Իգահատ և հետո Այգեհատ անվանումները ստացել է այն պատճառով, որ շրջակայքում եղած այգիները հատվել են։

Կլիման մերձարևադարձային է, չափավոր շոգ և չորային ամառներով, մեղմ ձմեռներով։ Տարեկան թափվում են 500-600 մմ մթնոլորտային տեղումներ։ Ագրոկլիմայական տեսակետից ընկած է ինտենսիվ ոռոգման գոտում։

Ըստ ազգային վիճակագրական ծառայության տվյալների 2005 թ-ին համայնքի բնակչությունը կազմել է 235 մարդ։ Սեռային կազմում տղամարդիկ կազմում են 43%, կանայք՝ 57%։

Գյուղատնտեսական հողերը գրեթե ամբողջությամբ օգտագործվում են որպես վարելահողեր՝ կազմելով 281 հա։ Պետական հողերը հիմնականում օգտագործվում են արոտավայրերի և վարելահողերի համար՝ համապատասխանաբար կազմելով 132 և 58 հեկտար։

Գյուղի մասնագիտացման ուղղությունը երկրագործությունն է։ Զբաղվում են դաշտավարությամբ, պտղաբուծությամբ (տանձ, խնձոր, սալոր), մշակում են հացահատիկային, կերային, բանջարաբոստանային կուլտուրաներ։ Զբաղվում են խոշոր եղջերավոր անասնաբուծությամբ, մեղվաբուծությամբ, թռչնաբուծությամբ։ 2013 թ.-ի դրությամբ գյուղն ունի դպրոց, գրադարան, բուժկետ և կապի հանգույց

։

Վերև